Programme pour le décembre(Դեկտեմբերյան նախագիծ)

Լes traditions  de Noël en France

Ֆրանսերենի ընտրությամբ դասընթացի նախագծի մշակում

Նախագիծ `Լes traditions de Noël en France

Այս նախագծի շրջանակներում  մենք պետք է թարգմանենք  հետևյալ   տեքստը 

Նախագծի իրականացման ժամկետները — դեկտեմբեր  ամիս

Նախագծի իրականացնողները — Ֆրանսերենի ընտրությամբ գործունեության 9-11 դասարանի սովորողները՝ Կ.Թևոսյանի ղեկավարությամբ:

Նախագծի ուսումնական նպատակը . Կատարելով այսպիսի աշխատանք՝ աշակերտները ձեռք են բերում թարգմանչական հմտություններ և հարստացնում են իրենց բառապաշարը, որն էլ հիմք է հանդիսանում թեմայի վերաբերյալ հետաքրքիր կարծիքների  արտահայտման համար:Ծանոթանում են ֆրանսիական մշակույթին, սովորում են ձմռանը վերաբերող  բառապաշարը ,ամանօրյա շնորհավորհանքների ձևերը և,իհարկե, չեն մոռանում նամակ գրել ձմեռ պապիկին:

Նախագծի գործնական նպատակը. Ստեղծվում է ֆրանսերեն նյութի  հայերեն  էլեկտրոնային տարբերակը:

Նախագծի իրականացման ընթացիկ աշխատանքների մեթոդական կազմակերպում

Աշակերտները սկսում են մանրակրկիտ աշխատել արդեն ընտրված նյութի վրա: Աշակերտները օգտվում են բազմաթիվ ուսումնական աղբյուրներից , բառարաններից:Նրանք իրենց անհատական ուսումնական բլոգներում տեղադրում են արդեն իսկ ստուգված թարգմանությունները :

Սեբաստացի մայրիկ

 Բնության հրաշալիքներից մեկը մայրանալն է:Ես   նորից զգացի  դա՝ երկորդ անգամ մայր դառնալով:Ճիշտ է, որոշ ժամանակ բացակայեցի աշխատանքիցս ,բայց   երբեք հեռու չմնացի այն ամենից,  ինչ տեղի էր ունենում մեր կրթահամալիրում:Ես սեբաստացի դասավանդողից  դարձա սեբաստացի մայրիկ,քանի որ երկու բալիկներս սովորում  են  կրթահամալիրում:Ասեմ ,որ մի ուրիշ հաճույք է լինել սեբաստացի մայրիկ, վայելել այն ամենը ինչ կոլեգաներս շատ խնամքով ու հաճույքով կազմակերպում էին երեխաների ու ծնողների օրը տոն դարձնելու համար:Չկա էլ ավելի  մեծ նվեր ծնողի համար ,երբ տեսնում ես սեփական երախայիդ աչքերի փայլը,ոգևորվածությունը,կազմակերպվածությունը, ազատ մտածելու ու արտահայտվելու ունակությունը  ու նմանատիպ շատ այլ բաներ, որոնց միասնությունը կերտում է ներկայի և ապագայի  առողջ սերունդ:Սկսել օրը առավոտյան ընդհանուր պարապմունքով՝ երգով ,պարով ,ասմունքով  և ամփոփել շաբաթը մեդիաուրբաթով ,տարբեր ծեսերի մասնակցություն,թթուդրիք, ճամփորդություն և այլն, այս ամենը իմ հետաքրքիր արձակուրդի բաղկացուցիչ մասն են կազմել:Այս ամենի հետ մեկտեղ չեմ մոռացել ժամանակ հատակացնել ինքնակրթությանը:Բոլորս էլ շատ լավ գիտենք,որ այս տարի Հայաստանը հյուրընկալեց ֆրանկոֆոնիայի  17-րդ  գագաթաժողովը և դա հիանալի հնարավորություն էր լեզվակիրների հետ շփման  և տարբեր մշակույթներին մոտիկից ծանոթանալու համար:Երեխաներիս հետ մի լավ պտտվեցինք ֆրանկաֆոնիայի ավանի տաղավարներով ,նրանց ամենից շատ դուր եկան  Քվեբեկի և Կոտ դ՛Իվուարի տաղավարները:Զրույցի ժամանակ շոկոլադ արտադրողը ասեց,որ շատ մեծ ցանկություն ունի  իր արտադրանքը մեր երկրում տեսնելու:Ինձ ամենից շատ դուր եկավ նաև այն երևույթը ,որ օտարերկրացիներից  ոմանք  շատ լավ տեղեկացված էին մեր երկրի մշակույթին և խոհանոցին:Ինձ համար ֆրանսերենս կիրառելու հիանալի օրեր էին:Այս տարի ամռանը ունեինք հյուրեր ֆրանսիայի Լիոն քաղաքից և ես էլ նրանց գիդն էի:Գնացինք Սևան,Դիլիջան,Տաթև, Ջերմուկ,Նորավանք և այլն:Ես նաև Ֆրենսերեն դասվանդողների ասոցիացիայի անդամ եմ :Նրանցից էլ տեղեկանում եմ մեր ոլորտին վերաբերող բոլոր նորություններին:Օնլայն հարթակում կա ֆրանսերեն դասավանդողների մի խումբ ,որտեղ մենք միմյանց ենք փոխանցում  մեր փորձը, մտահոգությունները ,առաջարկությունները   և փորձում ենք գտնել լուծումներ:Օգնել եմ ֆրանսերեն  սովորել ցանկացողներին սովորել ֆրանսերեն և հանձնել TCF և Delf քնությունները:Շատ եմ կարևորում Ալիանս Ֆրանսեզի դերը  ֆրանսերենի  դասավանդման ոլորտում,ես մինչ բալիկիս ծնվելը մասնակցել եմ  Crefeco-ի կազմակերպած վերապատրաստամնը:Սկսել եմ Դանիել Պենակի Դպրոցական տառապանք գրքիս թարգմանությունը,որը ցավոք սրտի կիսատ էի թողել:Այս ընթացքում Ֆրանսերեն գրքերն ու ֆիլմերը քնել չսիրող բալիկիս կողքին  լավագույն զբաղմունքս են եղել:

Le plan d’étude 2018-2019

«Մխիթար Սեբաստացի» կրթահամալիր
Ֆրանսերեն
Առարկայական ծրագիր
2018-2019 ուստարի
Ծրագիրը նախատեսված է հանրակրթական միջին և ավագ դպրոցի ընտրությամբ երկրորդ և երրորդ օտար լեզու սովորել ցանկացող աշակերտների համար:

 

Նպատակը
Կրթության ոլորտում հարկ է խթանել ոչ միայն յուրաքանչյուր անհատի ստեղծագործական ներուժի զարգացմանը , այլև նրանում հարգալից վերաբերմունք դաստիարակել այլոց ազգային արժեքների հանդեպ, սովորեցնել նրան ճանաչել ու գնահատել աշխարհն իր բազմազանության մեջ:
Լեզվի միջոցով են նյութականանում ու սերնդից սերունդ փոխանցվում ազգային մշակույթի և ազգային մտածողության յուրահատկությունները: Լեզուն է , որ ապահովում է լիարժեք հաղորդակցություն :
Ծրագիրը նպատակ է հետապնդում`
զարգացնել հաղորդակցական հմտություններն ու ունակությունները` գործածելով ուսուցանման չորս հիմնական տարրերը  ունկնդրումը, խոսելը, կարդալը և գրելը (comp. orale, comp. écrite, prod. orale, prod. écrite).
հարստացնել բառապաշարը ակտիվ և պասիվ թարգմանությունների միջոցով
ֆրանսիալեզու տեղեկատվական աղբյուրներից օգտվելու ունակություն
օգնել սովորողին իր հետագա մասնագիտության ընտրության գործում: Բովանդակություն
Ֆրանսերենի այբուբեն
Ներկայանալ և ծանոթանալ(Bonjour, je m’appelle ….)
Լեզուներ (je parle francais,anglais, espagnole portugais. Etc…)
Իմ ընկերները (անձի նկարագրություն)( il est joli, grand , brun etc.)
Իմ նախասիրությունները (երգ—երաժշտություն, համակարգչային խաղեր, ընթերցանություն)(j’aime la musique classique,moderne)
Ծննդյան տարեդարձ (Bon anniversaire)
Գնումներ(combien ça coûte?)
Պահանջել հաշիվը(L’addition s’il vous plait)
Հագուստ
Տարվա եղանակներ
Շաբաթվա օրեր ,ամիսներ
Ժամանակ
Հասցե ( ùաղաքը, թաղամասը, բակը)
Կողմնորոշվել տեղանքում(Ou se trouve le bâtiment A?)
Իմ դպրոցը (“Մխիթար Սեբաստացի” կրթահամալիր)
Ամառային և ձմեռային արձակուրդներ
Ճանապարհորդություն
Ժամանց
Ես և իմ շրջապատը
իմ ընկերները
Իմ ընտանիքը
Իմ բնակարանը
Հեռախոսային խոսակցություններ
Այցելություն բժշկին
Սպորտ
Նախաճաշ, ճաշ, ընթրիք
Իմ օրը
CV –ի կազմում

Ուսում և աշխատանք
Սնունդ, բաղադրատոմսեր, խոհարարություն
Սպորտ, առողջութլուն, բժշկություն
Մշակույթ, ավանդույթներ, սովորույթներ
Ֆրանկոֆոնիա
Երիտասարդներ և մեծահասակներ
Շրջակա միջավայրը և նրա պահպանումը
Գլոբալ խնդիրներ`գլոբալ տաքացում, աղետներ, կենդանական աշխարհ և բնություն
Ֆրանսիական գրականությունից տարբեր ստեղծագործություններ, թարգմանություններ`գրքերից, թերթերից, տարբեր կայքերից:

Այս ծրագրում քերականությունը ուսուցանվում է այնքանով , որքանով ,որ անհրաժեշտ է հաղորդակցություն ապահովելու համար: Քերականական կանոնների իմացությունը անօգուտ է , եթե մարդ չի կարողանում խոսքում կիրառել:
Գոյականի հոգնակի թվի կազմումը –s
Անորոշ և որոշյալ հոդերի գործածումը le , la, un ,une,du, des, au, aux, du ,de la ,de l’.
ածականներ (սեռ, թիվ, համեմատության աստիճան)
Ածականի համաձայնացում
Դերանուն անձնական, ստացական, ցուցական, հարցական
en ,y դերանունների գործածում
Etre և avoir բայերի խոնարհում
Առաջին խմբի բայերի խոնարհումը ներկա ժամանակով
Իգական և արական սեռ
c’est +nom propre կառույցը
nom+ de +nom կառույցը
Հարցական նախադասություններ.
Հարցերի տիպերը
Ստորոգյալի համաձայնեցումը ենթակայի հետ դեմքով և թվով
Vouloir, savoir ,pouvoir բայերի խնարհում
Ժխտական նախադասություն( ne +verbe +pas)
Պարզ համառոտ և պարզ ընդարձակ նախադասությունների հարցական և ժխտական ձևերի կազմումը և կարճպատասխաններ տալը
Հրամայական նախադասությունների կազմումը և գործածումը
Հատուկ հարցերի կազմումը և գործածումը
Il y a+nom singulier ou nom pluriel
Շաղկապներ
Թվական
Քանակական և դասական թվականներ
Aller, prendre բայերի խոնարհում
Je voudrais +nom, Je voudrais +verbe
Անցյալ անկատար
— Eau վերջավորություն ունեցող բայերի հոգնակի թվի կազմություն
Voir , venir
C’est ici, voici, voila
2-րդ խմբի բայերի խոնարհում
Նախդիրներ a,de,en,dans,par,pour,contre,entre,sur,sous,sans, devant etc.
3-րդ խմբի բայերի խոնարհում Faire,sortir,attendre
Դերանվանական բայերի խոնարհում
Il impersonnel, falloir, devoir
Les noms de pays
Beaucoup de , peu de
Ապառնի ժամանակաձև
Անցյալ կատարյալ
Ծրագրում ուսուցանումը կատարվում է գործածելով չորս հիմնական հմտությունները` տեսալսողական, խոսքային և գրավոր: Բոլոր այս հմտությունները նպաստում են ազատ հաղորդակցմանը:

 

 

Ուսումնական նյութի ավարտից հետո սովորոռները կարող են`
· հասկանալ և տալ տեղեկատվություն, երբ հարցնում են անունը, ազգանունը, տարիքը և հասցեն:
· նկարագրություն կատարել
· ներկայացնել ինքն իրեն, ընկերներին
· խոսել դպրոցի մասին,
· խոսել սիրելի զբաղմունքի մասին
· լրացնել պահանջները հարցաթերթիկի
· պատմություն պատմել` օգտվելով պատկերներից
· նկարագրել առօրյա կյանքը
· կարճ նկարագրել որևէ նախագիծ
· բացատրել իր ընտրության պատճառը
· գրել պարզ էլեկտրոնային նամակ կամ բացիկ լրացնել
· ինքնուրույն նախադասություններ կազմել իրական կամ երևակայական անձանց մասին
· Կարդալ և տեքստից հանել անհրաժեշտ տեղեկատվությունը։
· կազմել պարզ ընդարձակ նախադասություններ
· անել հրավերներ և պատասխանել
· Կարդալ և հասկանալ շնորհավորանքներ, հրավերներ
· նկարագրել տարվա եղանակները
· պատասխանել ընթերցված տեքստի բովանդակությանը վերաբերող ընդհանուր հարցերին
· երկխոսություն վարել ընտանիքի, առօրյայի, դպրոցական կյանքի գնումների, ապրելու վայրի մասին
· Կարդալ պարզ ոճով գրված կենցաղային հարցերի մասին նամակ
Սովորողները մասնակցում են Կրթահամալիրի տոնացույցով որոշված միջոցառումներին`

Օրացույց 2018-2019 ուսումնսական տարի

Օգոստոսի 21-24 — Մանկավարժական բաց ճամբար
Սեպտեմբերի 3 — ուսումնական 1-ին շրջանի պարապմունքների մեկնարկ կրթահամալիրի դպրոցներում, Քոլեջում
Սեպտեմբերի 4 — կրթական շքերթ. համերգ
Սեպտեմբերի 4-8 — նախագծային ուսուցման ստուգատես. հեղինակային կրթական ծրագրերի աշնանային ամենամյա ստեղծագործական 12-րդ հավաք. շուրջտարյա, ուսումնական առաջին շրջանի նախագծերի ներկայացում և մեկնարկ
հոկտեմբերի 7-12-Ֆրանկոֆոնիայի 17-րդ  գագաթաժողով
Հոկտեմբերի 2-14 — Գրաբարի օրեր. թարգմանչաց տոն
Նոյեմբերի  13-18 — Մխիթար Սեբաստացու օրեր. կրթահամալիրի տոնը
Դեկտեմբերի 18-22 — ամանորի ուսումնական նախագծեր
Դեկտեմբերի 25-29 — մանկավարժական աշխատողների ձմեռային դպրոց
Դեկտեմբերի 25 — 2018թ. հունվարի 7 — «Ուսումնական ձմեռ» նախագիծ
Հունվարի 8 — ուսումնական երկրորդ շրջանի մեկնարկ
ունվարի 8-26 — նախագծային ուսուցման ուսումնական ճամբարներ կրթահամալիրի դպրոցներում
Հունվարի 15-19 — գիտագործնական ամենամյա հավաք՝ հեղինակային կրթական ծրագրերի ներկայացում. կլոր սեղաններ, համերգ-ցուցադրություններ
Փետրվարի 5-մարտի 16 — «Կարդում ենք Տերյան, Թումանյան, Չարենց» ստուգատես. ընթերցողի, ընթերցանության, ընթերցարանի ստուգատես

Մարտի 5-ապրիլի 7 -«Ձոն». տեխնոլոգիական նախագծերի ստուգատես
հասարակագիտական նախագծերի ստուգատես

Մարտի 20ապրիլի 30 – Ֆրանկոֆոնիայի օրեր

Ապրիլի 23-27 – Հանրակրթական էկոտուր, հայրենագիտական-էկոլոգիական նախագծերի ստուգատեսի մեկնարկ

Մայիսի 29-հունիսի 8 — հանրակրթական ամառային ճամբարներ